Vi lever i ei meir uforutsigbar verd. Geopolitiske spenningar, digitale truslar og meir ekstremvêr stiller stadig høgare krav til tryggleik og beredskap – òg lokalt. Kraft og digital infrastruktur er blant dei mest samfunnskritiske funksjonane vi har. Når straum og fiber er stabile, fungerer både næringsliv, kommunar og kvardagen vår slik han skal.

På frukostmøtet deler Haugaland Kraft innsikt og erfaringar frå arbeidet med tryggleik og beredskap, verknaden av gode tryggingstiltak, korleis nettselskapet jobbar for å sikre straumforsyninga lokalt – og kvifor digital tryggleik og robuste fibernett er avgjerande for næringslivet. Det blir òg presentert forskingsprosjektet B-READY, som viser korleis batteriløysingar kan bidra til både grøn omstilling og auka beredskap i straumnettet.